ریاست بھوپال کے آخری ولی عہد شہر یار خان کا ملتان سے کیا تعلق تھا ؟ محمد ندیم قیصر کی رپورٹ

ملتان : پاکستان کرکٹ بورڈ کے سابق چیئرمین و سابق سیکرٹری خارجہ شہر یار خان کے انتقال پر پاکستان کے ویٹرن ٹیسٹ کرکٹر ڈنکن شارپ کی ملتان میں مقیم فیملی بھی افسردہ ہوگئی۔ڈنکن شارپ جو کہ 50ء کی دہائی میں شہر یار خان کے ہمراہ پاکستان کی ڈومیسٹک کرکٹ کھیلتے رہے اور 61ء میں آسٹریلیا شفٹ ہو گئے تھے ان کے بیٹے کیون کی فیملی ملتان میں مقیم ہے ۔
ڈنکن شارپ کی پوتی انجیلیا کیون نے اپنےتاثرات کا اظہار کرتے ہوئے کہا کہ صبح سویرے دادا شہر یار کے انتقال کی اچانک خبر نے ڈنکن شارپ فیملی کو افسردہ کردیا وہ مہربان، عاجز اور روشن خیالات کی حامل شخصیت تھے ۔انجیلیا نے شہر یار خان کے ساتھ ملتان سٹیڈیم میں دسمبر 2016ء کی اپنی ایک ہنستی مسکراتی تصویر شیئر کرتے ہوئے مزید کہا کہ میں اپنے دادا کے قریبی دوست شہر یار خان کا ہنستا مسکراتا ہوا چہرہ ، شفقت و خلوص کو ہمیشہ یاد رکھوں گی۔انہوں نے پاکستان کرکٹ بورڈ کےچیئرمین کی حیثیت سے میرے دادا اور اپنے دوست ڈنکن شارپ کے پی سی بی کے ذمہ پنشن شروع کروائی اور ایک کروڑ روپے سے زائد مالیت کے برسہا برس (60_1959ء) کے واجبات بھی کلیئر کروا دیئے تھے۔ ریاست بھوپال (بھارت) کے آخری ولی عہد کو الوداع۔۔۔
( بشکریہ : 92 نیوز )