بہاول نگر : انسانی حقوق کے پہلے وزیر سید ممتاز عالم گیلانی کو بہاول نگر میں سپرد خاک کر دیا گیا ۔ ان کی آبائی جامعہ رضائے مصطفے قبرستان میں تدفین کی گئی ، نماز جنازہ سٹی ہائی سکول گراونڈ میں ادا کی گئی جس میں سیاسی سماجی شخصیات عوامی نمائندوں سمیت سینکڑوں افراد کی شرکت کی ۔ وہ سینئر صحافی امتیازعالم کے بڑے بھائی تھے۔
ان کی عمر 79سال تھی۔اور وہ طویل علالت کے بعد سترہ مارچ کو انتقال کر گئے تھے ۔ سید ممتاز عالم گیلانی نے سیاسی کیریئر کا آغاز کراچی سے بی ڈی ممبر کے طور پر کیا۔ صدارتی انتخاب میں وہ محترمہ فاطمہ جناح کے الیکشن ایجنٹ تھے۔ وہ پیپلزپارٹی کے بانی ارکان میں سے تھے۔ دو بار قومی اسمبلی کے رکن منتخب ہوئے۔ محترمہ بینظیربھٹو نے انہیں پارٹی کا چیف کوارڈی نیٹر مقرر کیا تھا۔ 2008میں انہیں پاکستان کا پہلا وزیر انسانی حقوق بنایا گیا۔
