راؤ شمیم اصغر نوائے وقت ملتان کے ایڈمنسٹریٹر مقرر : نئے ریذیڈنٹ ایڈیٹر کا انتظار

ملتان : بڑے پیمانے پر ڈاؤن سائزنگ کے بعد سینئر صحافی اور روزنامہ نوائے وقت ملتان کے سابق ریذیڈنٹ ایڈیٹر راؤ شمیم اصغر کو نوائے وقت ملتان کا ایڈمنسٹریٹر مقرر کر دیا گیا ہے ۔ ڈاؤن سائزنگ کا تمام عمل ان کی نگرانی میں مکمل ہوا جس کے بعد انہیں بھی ان کے عہدے سے ہٹا دیا گیا ۔
واضح ہو کہ روزنامہ نوائے وقت میں گزشتہ ہفتے سے تبدیلی کی خبریں گردش میں تھیں ۔ اس دوران نئے ریذیڈنٹ ایڈیٹر کے حوالے سے مختلف صحافیوں کے نام بھی سامنے آتے رہے اور دس مارچ تک راؤ شمیم اصغر کا نام بھی پرنٹ لائن پر شائع ہوتا رہا ۔ ابھی تک نوائے وقت کے نئے ریذیڈنٹ ایڈیٹر کا نام سامنے نہیں آیا تاہم گزشتہ روز سے انچارج نمائندگان کے طور پر کلب حسن اور نیوز ایڈیٹر کے طور پر قاسم علی نےذمہ داریاں سنبھال لیں۔ کلب حسن وسیب ٹی وی اور روزنامہ خبریں میں سینئر صحافی میاں غفار کے ساتھ کام کر چکے ہیں