کیپ ٹاؤن :جنوبی افریقی کرکٹ ٹیم ہوم گراؤنڈ پر مسلسل چوتھی ٹی 20 سیریز ہارگئی۔گزشتہ سال مارچ میں ہوم گراونڈ پر سری لنکا کو ہرانے والی پروٹیز ٹیم کا پورا سال ناکامیوں میں ڈوب گیا.ورلڈ ٹی 20 سے محض آدھا سال قبل کرکٹ جنوبی افریقا کیلئے تشویشناک صورتحال ہےجب بدھ کی شب ہوم میدان میں وہ 5 دن کے اندر اندر دوسری بڑی عبرتناک شکست سے دوچار ہوگئی۔کیپ ٹاؤن میں آسٹریلیا نے تیسرے و فیصلہ کن میچ میں 97رنز کے بھاری مارجن سے میدان مارلیا اور سیریز 2-1سے اپنے نام کرلی.مہمان ٹیم نے ایرون فنچ اور ڈیوڈ وارنر کی 120 رنز کی اوپننگ شراکت کی مدد سے مقررہ 20 اوور ز میں 5 وکٹ پر 193 رنزبنائے.وارنر نے 57 اور فنچ نے 55 کی اننگز کھیلیں. جواب میں پروٹیز بیٹسمین 16ویں اوور میں 96 پر ہتھیار پھینک گئے. ڈوسین 24 رنز کے ساتھ نمایاں رہے 7 کھلاڑی ڈبل فیگر کو بھی نہ پہنچ سکے .آشٹن اگر اور مچل سٹار ک نے 3، 3 وکٹ لیں. مچل سٹارک میچ اور فنچ سیریز کے بہترین کھلاڑی قرار پائے.
