جنسی ہراسانی کے الزامات ثابت : ڈائریکٹر جنرل پی ایچ اے ملتان آصف رؤف کو عہدے سے ہٹا دیا گیا

ملتان ۔ڈائریکٹر جنرل پی ایچ اے آصف رﺅف پر ہراسانی کے الزامات ثابت ہوجانے کے بعد ان کوعہدے سے ہٹا دیاگیااور افسر بکار خاص کے طورپرایس این ڈی جی اے میں رپورٹ کرنے کی سفارش کی گئی ہے۔
واضح ہو کہ آصف رﺅف نے سینئرفوٹو گرافر اور ملتان ٹی ہاﺅس کے نگران سید ارشد بخاری کی صاحبزادی سیدہ منیبہ بخاری کوجنسی طورپر ہراساں کیاتھا اور ٹیمپرنگ کاالزام لگا کر ان کو ملازمت سے برطرف کروادیاتھا۔ اس سلسلے میں تحقیقاتی کمیٹی بنائی گئی جس نے تحقیقات کے بعد آصف رﺅف کے تمام الزامات کو مسترد کردیا ۔انکوائری کمیٹی نے آصف رﺅف خان اورڈائریکٹر ایڈمن اینڈ فنانس اختر منڈھیرا کو عہدوں سے ہٹا کر پیڈا ایکٹ کے تحت کارروائی کرنے کی سفارش کی ۔اس کے علاوہ خاتون افسر سیدہ منیبہ بخاری کی برطرفی اور تنزلی کے احکامات پربھی ازسرنو نئے افسروں سے انکوائری کروانے اور خاتون کے خلاف تمام اقدامات واپس لینے کا حکم دیا۔
تحقیقاتی کمیٹی میں چیئرمین ڈی جی بہاولپور ڈویلپمنٹ اتھارٹی مہر خالد احمد جبکہ ممبران میں ہاﺅسنگ ڈیپارٹمنٹ جنوبی پنجاب کے وسیم جاوید اور ڈی جی پی ایچ اے بہاولپور روبینہ اقبال عباسی شامل تھیں۔