کسی پاکستانی کے لیے نہیں دھڑکتا :مہوش حیات : ہالی ووڈ اداکار کی دلہن بننا چاہتی ہیں

لاہور : پاکستانی اداکارہ مہوش حیات نے ہالی وڈ کے سپر اسٹار لیونارڈو ڈی کیپریو کی دلہن بننے کی خواہش کا اظہار کردیا۔مہوش حیات نے سال 2021 میں معروف میڈیا پرسن سہیل وڑائچ کو دیے گئے ایک انٹرویو کے دوران یہ انکشاف کیا تھا کہ ان کے کرش ہالی وڈ کے اداکار لیونارڈو ڈی کیپریو ہیں۔
دورانِ انٹرویو میزبان نے مہوش حیات سے ان کی پسند پوچھتے ہوئے یہ بھی سوال کیا تھا کہ ’وہ کس طرح کے مرد سے شادی کرنا پسند کریں گی؟‘اداکارہ نے جواب دیا کہ ‘مجھے رحم دل انسان پسند آتے ہیں، شکل و صورت میرے لیے اہمیت نہیں رکھتی لیکن اس شخص کا سینس آف ہیومر اچھا ہونا چاہئے کیونکہ میری طبیعت سنجیدہ ہے’۔
سہیل واڑئچ کی جانب سے کرش سے متعلق پوچھے جانے پر مہوش حیات نے کہا کہ ’ مجھے لیونارڈو ڈی کیپریو پر بڑا سنجیدہ کرش تھا اور ابھی تک ہے، لیونارڈو ڈی کیپریو اُنہیں بہت پسند ہیں، اگر لیونارڈو ڈی کیپریو اُن کے گھر بارات لانا چاہتے ہیں تو انہیں اجازت ہے، وہ تیار ہیں۔‘
میزبان نے پھر مہوش حیات سے پوچھا کہ کیا انہیں کوئی مرد پاکستان میں پسند نہیں آیا؟ جس پر اداکارہ نے کہا کہ ’اُنہیں آج تک پاکستان میں ایسا کوئی نظر نہیں آیا ہے جسے دیکھ کر اُن کے دل میں گھنٹیاں بجی ہوں۔‘