بابو سر ٹاپ : 8گاڑیاں بہہ گئیں، جنوبی پنجاب کے ڈاکٹر خاندان سمیت 3 سیاح جاں بحق، 15لاپتا

ملتان : بابو سر ٹاپ میں کلاوڈ بریسٹ سے خطرناک لینڈ سلائیڈنگ کے نتیجے میں برفانی تودہ سیاحوں کی گاڑی پر آگرا۔گاڑی میں 20 سے زائد افراد سوار تھے۔جن کا تعلق ملتان لودھراں اور جنوبی پنجاب کے دیگر شہروں بتایا جاتا ہے ۔ جاں بحق ہونیوالوں جگر ٹرانسپلانٹ کے نجی ہسپتال کے سی ای او فہد اور ان کے اکلوتے بیٹے سمیت خاندان کے دیگر افراد بھی شامل ہیں ۔ریسکیو ذرائع کےمطابق گلگت بلتستان ضلع دیامر میں موسلا دھار بارشوں کے باعث سیلابی ریلوں میں سیاحوں کی 8 گاڑیاں بہہ گئیں، 3 لاشیں نکال لی گئیں جب کہ 15 سے زائد سیاح لاپتہ ہیں۔
شاہراہ تھک بابوسر میں سیلابی ریلوں میں سیاحوں کی 8 گاڑیاں بہہ گئیں، 3 لاشیں نکال لی گئیں اور 4 سیاحوں کو بچالیا گیا جنہیں زخمی حالت میں اسپتال منتقل کردیا گیا، جب کہ 15 سے زائد سیاح لاپتہ ہیں۔ لینڈ سلائیڈنگ کے بعد سامنے آنے والی ویڈیو میں ڈاکٹر فہد اسلام کو کیچڑ میں‌لت پت پتھروں سے نکلتے ہوئے نظر آ رہے ہیں ، جو اپنے بھائی، بیوی اور بیٹے کے لاپتہ ہونے کے بارے میں بتاتے رہے ہیں.
لینڈ سلائیڈنگ اور سیلابی صورتحال کےباعث چلاس جلکھڈ روڈ اور شاہراہ قراقرم مختلف مقامات پر بند ہوگئی جس سے مسافروں کو مشکلات کا سامنا ہے۔ مواصلاتی نظام درہم برہم ہوگیا ہے اور سیلاب کے باعث ہزاروں سیاح پھنس کر رہ گئے ہیں۔تاہم شاہراہ بابوسر پر پھنسے سیاحوں کو ریسکیو کرلیا گیا جنہیں مقامی آبادی نے پناہ دے دی۔ غذر میں آسمانی بجلی گرنے سے 4 مقامات پر لینڈسلائیڈنگ سے متعدد مکانات، سکول، سڑکوں اورکھڑی فصلوں کو نقصان پہنچا ہے۔اپرکوہستان کی تحصیل کندیا کی ندی نالوں میں طغیانی سے مکانات واٹرچینلز اور پن چکیوں کو نقصان پہنچا ہے۔ ایک خاتون بھی سیلابی ریلےمیں بہہ گئی ہے۔ ترجمان گلگت بلتستان حکومت فیض اللہ فراق کے مطابق وزیراعلیٰ نے متعلقہ اداروں کو ریسکیو آپریشن شروع کرنےکی ہدایت کردی ہے، عملے نے سڑک کی بحالی کا کام شروع کردیا ہے۔