جمشید دستی نے نکاح کر لیا : شادی 2022 میں ہو گی

مظفرگڑھ:مظفرگڑھ سے سابق رکن قومی اسمبلی اور سربراہ پاکستان عوامی راج پارٹی جمشید دستی نے پشاور کے مہمند قبیلے میں نکاح کر لیا ہے ۔ سوشل میڈیا پر ان کے نکاح کی تصاویر وائرل ہوگئی ہیں، جو جمشید دستی نے اپنے ٹویٹر اکاؤنٹ پر جاری کی ہیں۔
جمشید دستی کی اہلیہ نے گومل یونیورسٹی ڈیرہ اسماعیل خان سے بائیو کیمسٹری میں بی ایس کیا ہو ا ہے، اور ان کا تعلق پشاور کے مہمند قبیلے سے ہے، جبکہ رخصتی مارچ 2022 میں ہو گی، حق مہر دس ہزار روپے لکھا گیا ہے، جمشید دستی کا کہنا ہے کہ وہ ولیمہ میں دال کھلائیں گے، انہوں نے کہا کہ وہ ایسی لڑکی کی تلاش میں تھے جو سادہ ہو اور ان کے بچوں کی بہترین تعلیم و تربیت کر سکے، انہیں بالآخر وہ لڑکی مل ہی گئی ہے، جمشید دستی پشاور میں نکاح کے بعد جمعرات کو مظفرگڑھ پہنچیں گے، جہاں دوستوں کو چھوہارے اور مٹھائی کھلائی جائے گی۔