پشاور : عوامی راج پارٹی کے سربراہ اور سابق ایم این اے جمشید دستی دلہن بیاہ لائے۔ جمشید دستی دلہن لینے کیلئے مظفر گڑھ سے بارات لیکر پشاور پہنچے تھے۔
جمشید دستی کانکاح گزشتہ سال جولائی میں مہمند قبیلے کی لڑکی سے ہوا تھا۔جمشید دستی کی اہلیہ نے گومل یونیورسٹی ڈیرہ اسماعیل خان سے بائیو کیمسٹری میں بی ایس کیا ہو ا ہے، اور ان کا تعلق پشاور کے مہمند قبیلے سے ہے، ان کا کہنا ہے کہ وہ ستمبر یا اکتوبر میں دعوت ولیمہ کریں گے اور دوستوں کو دال کھلائیں گے۔
ترجمان کے مطابق جمشید دستی پشاور سے شام 6 بجے اپنی دلہن کو لے کر واپس مظفر گڑھ کیلئے روانہ ہوں گے۔
