حسینہ سنگرکرکٹرز پر کورو نا سے حملہ آور، کرکٹ کھیلنے پر 8 کھلاڑی گرفتار،عبد الرزاق سلیکٹر : عمران عثمانی کا ون ڈے راؤنڈ اپ

اب کرکٹ کھیلنا بھی جرم بن گیا،نہ بنا ہوتاتو کھیلنے والے 8 کھلاڑی کیوں گرفتار ہوتے. بھارت ان دنوں کورونا کی وجہ سے جنتا کرفیو کی زد میں ہے. کلیان میں اسی کرفیو کی خلاف ورزی کرتے ہوئے کچھ نوجوان کرکٹ کھیل رہے تھے. کالا تالا میدان میں مہان پلی چوک پولیس اسٹیشن کے دستے نے چھاپہ مارکر 8 افراد کو ہتھکڑی لگادی اور انکے خلاف 4 دفعات کے تحت ایف آئی آر بھی کاٹ دی.
**عبد الرزاق سلیکٹر بن گئے**
سابق آل رائونڈر عبد الرزاق کو سلیکشن کمیٹی کا رکن بنانے کا فیصلہ کرلیا گیا. چیف سلیکٹر و ہیڈ کوچ مصباح الحق کو ڈرنے کی ضرورت ہے اور نہ کچھ کرنے کی کیونکہ جس عبد الرزاق کی بات ہورہی ہے وہ پاکستانی نہیں ہیں.بنگلہ دیش کیلئے 200 سے زائد انٹرنیشنل میچز کھیلنے والے 37 سالہ کرکٹر سے بنگلہ دیش بورڈ نے معاملات طے کرلئے ہیں. وہ جلد ہی ملکی سلیکشن پینل کا حصہ ہونگے.
**حسینہ سنگر کا پروٹیز کرکٹرز پر کورونا سے وار**
جنوبی افریقا کرکٹ ٹیم بھارت سے واپسی پر اپنے دیس میں قرنطینہ میں ہے ابھی چند دن سکون سے گزارے ہی تھے کہ ان میں ایک بار پھر خوف کی لہر دوڑ گئی کیونکہ انکے لئے بھارت سے آنے والی خبر خطرناک ہے. لکھنو ون ڈے کیلئے جس ہوٹل میں ٹیم نے قیام کیا تھا وہیں بھارتی بالی ووڈ کی حسینہ سنگر کانیکا کپور بھی قیام پذیر تھیں اور ان کا کورونا ٹیسٹ مثبت آیا ہے. انہوں نے پروٹیز ٹیم کے قیام کے دنوں ہی میں اسی ہوٹل میں پروگرام کیا،ملاقاتیں کی تھیں. وہ لندن سے واپسی پر لکھنو ہوٹل ہی گئ تھیں. گلوکارہ کے اس قدر غیر ذمہ دارانہ عمل پر بھارت سمیت جنوبی افریقا میں تنقید جاری ہے.
**ڈی ویلیئرز سے بہتر کوئی اور**
کرکٹ ان دنوں صرف کرکٹر ز کے تذکرے تک محدود ہوگئ ہے. کھیل نہ ہونے سے سب کچھ معطل ہے،ایسے میں کرکٹ سٹارز اپنی گفتگو وبیانات سے میڈیا میں جگہ بناتے ہیں. موضوع بنانا کوئی مشکل نہیں ہوتا. کمنٹس لینا بھی آسان ہے.
سابق آسٹریلوی اسپنربریڈ ہاگ سے پوچھا گیا کہ ویرات کوہلی اور ڈی ویلیئرز میں سے کون بہتر ہے تو انہوں نے جھٹ کوہلی کو بڑا کرکٹر قرار دیدیا.ویسے ان دنوں ویرات کوہلی کو موضوع بناکر رائے لی جارہی ہے. جاوید میاں داد کے بعد کیریبین سٹار چندر پال بھی گن گارہے ہیں.
**یونیورسل باس ماسک کی جگہ نقاب میں**
دوسری جانب کرکٹرز تنہائی اختیار کرنے کے باوجود اپنی روز مرہ کی مصروفیات شیئرز کرتے ہوئے فینز کے ساتھ رابطے میں ہیں. ایسے میں یونیورس باس بھی کیوں پیچھے رہتے. کرس گیل نے اپنی ویڈیو شیئر کی اور جم کر تے ہوئے کہا کہ میں اب بھی چیمپئن ہوں. ویسٹ انڈیز کے سٹاربیٹسمین نے جو تصویر شیئر کی .وہ نقاب پوش سے کم نہیں تھی.
**ایم سی سی صدر بھی قرنطینہ میں **
سابق سری لنکن کپتان اور ایم سی سی کے صدر کمار سنگا کارا بھی قرنطینہ ہوگئے. لندن سے وطن واپس پہنچے والے ماضی کے عظیم بلے باز نے کہا کہ وہ حفاظتی نقطہ نظر سے گھر میں بند ہورہے ہیں. سنگاکارا نے ایم سی سی ٹیم کے ہمراہ گزشتہ ماہ پاکستان کا کامیاب دورہ بھی کیا تھا.
**ارجنٹینا کے فٹبالر کو کورونا**
اٹالین کلب یوونٹس کی طرف سے کھیلنے والے ارجنٹائن کے فٹبالر پاؤلو دیبالا کورونا وائرس میں مبتلا ہوگئے انکے ساته ان کی گرل فرینڈ میں بهی وائرس کی تصدیق ہوئی ہے۔
** ریال میڈرڈ کے سابق صدر کورونا وائرس سے ہلاک **
اسپین کے مشہور فٹ بال کلب ریال میڈرڈ کے سابق صدر لورینزو سانز کورونا کی وجہ سے جان سے گئے.لورینزو سانز 1995 سے 2000 تک اسپین کے فٹ بال کلب ریال میدرڈ کے صدر رہے انکی عمر 76 سال تھی ۔