گھروں میں چپ کر کے نہ بیٹھیں ، عمران خان کی عوام سے اپیل

لاہور : چیئرمین تحریک انصاف اور سابق وزیر اعظم عمران خان کی جانب سے توشہ خانہ کیس میں گرفتاری کے بعد ایک ویڈیو پیغام جاری کیا گیا ہے جس میں انھوں نے عوام سے اپنی گرفتاری کے بعد احتجاج کرنے کی اپیل کی ہے۔
ٹوئٹرپر جاری پیغام میں کہا گیا ہے کہ ’جب تک یہ پیغام آپ تک پہنچے گا، اُس وقت تک یہ مجھے گرفتار کر کے جیل بھیج چکے ہوں گے۔‘
عمران خان نے پیغام میں کہا کہ ’آپ سے گزارش ہے کہ آپ نے گھروں میں چپ کر کے نہیں بیٹھنا۔ میں اپنی جدوجہد آپ کے لیے اور آپ کے بچوں کے مستقبل کے لیے کر رہا ہوں۔‘عمران خان نے کہا کہ پرامن احتجاج آپ کو کرتے رہنا ہے جب تک آپ کو حق نہیں ملتا اور وہ حق ہے ہے حق ووٹ کے ذریعے اپنی مرضی کی حکومت منتخب کرنا۔
ان کا مزید کہنا تھا کہ ’اگر آپ یہ نہیں کریں گے تو غلامی کی زندگی گزاریں گے۔‘
( بشکریہ بی بی سی اردو )