ملتان:تعلیمی بورڈ ملتان کے میٹرک سالانہ امتحان 2024ءکے نتائج کااعلان ،کامیابی کاتناسب 78.60فیصد رہا

تعلیمی بورڈ ملتان نے پہلے میٹرک سالانہ امتحان2024ءکے نتائج کا اعلان کردیاہے،نتائج کے مطابق امتحان میں مجموعی طور پر ایک لاکھ 25ہزار896امیدواروں نے شرکت کی،ان میں سے 98ہزار955پاس اور 26ہزار941فیل ہوگئے،امتحان میں امیدواروں کی کامیابی کا تناسب 78.60فیصد رہا۔نتائج کے مطابق سائنس گروپ کے ایک لاکھ 13ہزار666امیدوار امتحان میں شریک ہوئے ان میں سے 90ہزار834پاس اور 22ہزار832فیل ہوگئے ۔سائنس گروپ کا نتیجہ 79.91فیصد رہا۔ آرٹس گروپ کے 12069امیدواروں نے امتحان میں شرکت کی ان میں سے 7967پاس اور4102فیل ہوئے،آرٹس گروپ کا نتیجہ 66.01فیصد رہا۔کامیاب ہونے والے 98ہزار955امیدواروں میں سے 19ہزار692نے اے پلس گریڈ حاصل کیا۔ اے گریڈ حاصل کرنے والوں کی تعداد 19961،بی گریڈ حاصل کرنے والوں کی تعداد 26ہزار938،سی گریڈ حاصل کرنے والوں کی تعداد 25ہزار206،ڈی گریڈ میں کامیابی حاصل کرنے والوں کی تعداد 6946اور ایف گریڈلینے والوں کی تعداد 199رہی ۔نتائج کے مطابق 13امیدواروں نے کوئی گریڈ حاصل نہیں کیا۔
میٹرک کے نتائج میں ضلع وہاڑی کی کاردگی سب سے بہتر رہی ،خانیوال دوسرے اورملتان تیسرے نمبرپر
تعلیمی بورڈ ملتان کے پہلے میٹرک سالانہ امتحان2024ءکے نتائج میں ضلع وہاڑی کی کارکردگی سب سے بہتر رہی، ضلع وہاڑی کے امیدواروں کی کامیابی کا تناسب 80.45فیصدرہا ،78.53فیصد امتحانی نتائج کے ساتھ ضلع خانیوال دوسرے نمبر پر،77.98فیصد امتحانی نتائج کے ساتھ ضلع ملتان تیسرے اور 77.02فیصد امتحانی نتائج کے ساتھ ضلع لودھراں چوتھے نمبر پر آیا۔