ماما اور بیٹی دن بھر کبھی اکٹھے کبھی جدا۔۔کبھی مل کر موج مستی کبھی اکٹھے نماز قرآن سپارہ اور خدا خدا۔۔۔نور کے چھوٹے اور ماں کے بڑے سب مسائل کا حل تھوڑا رونا تھوڑا بی بی جان سے دعا اور دم ۔۔۔دل بوجھل ہونے لگے تو میٹھا کھا کر غم ختم۔۔۔نور کے ماہانہ امتحانات کا نتیجہ لینے گئے۔۔۔اے ون رزلٹ لے کر نکلے تو نور نے ٹیچر کے اچھے ریمارکس پر ماں کے تاثرات جاننے کے لیے پوچھا۔۔ماما میرا رزلٹ کیسا رہا؟بہت اچھا میں نے کہا۔۔ماما میں چاہتی ہوں میں سب کو ہرا دوں اور میں سب سے جیت جاوں۔۔۔پھر مجھے میری پسند کا گفٹ لے کر دو گی نا؟
پیاری فلزا ۔۔۔میری جان گفٹ آپ کو ملے گا لیکن یاد رکھنا جیت جانے کے لیے دوسروں کو ہرانا ضروری نہیں ہوتا۔۔۔اچھا ماما؟ہاں جی بیٹا!
کتنا اچھا ہو جاۓ اگر ہم دوسروں کو چھوٹا کر کے بڑا نظر آنے ، کام کیے بغیر اس کی ستائش مانگنے اور رشتوں تعلقات میں زہر گھولنے کی بجاۓ کانوں میں کسی پیاری سرگم کسی مخلص تعریفی اظہار کا رس گھولنے لگیں ۔۔۔کسی کو لفظوں کے پتھر دے مارنے سےپہلے ان کو تولیں اور پھر بولیں۔۔۔عنقریب فلزا چھ سال کی ہو جاۓ گی انشاءاللہ ۔۔۔آج بھی رات کو فلزا میری بازو پر سر رکھ کر سوتی ہے۔۔۔اور یہ وہ وقت ہوتا ہے جب ہم دونوں اپنے ٹیڑھے میڑھے خیالوں اور خوابوں کا تبادلہ کرتے ہیں۔۔۔کبھی کوئی فلم دیکھتے ہیں کبھی کوئی مطالعہ کرتے ہیں اور ایک ایسے جہان کا تصور کرتے ہیں جہاں سچائی اچھائی کی اب بھی پذیرائی کی جاتی ہو۔۔جہاں شہزادیاں بہادری سے مظلوم کو بچاتی ہو جہاں ماں بیٹی کے نصیب سے بے فکر ہو کر سو پاتی ہو۔۔۔
