کوہلی کی 3سالہ بادشاہت ختم،بین اسٹوکس سال کے بہترین کرکٹر قرار ۔۔ عمران عثمانی

کرکٹ کے معتبر ترین ادارے وژ ڈن نے بین اسٹوکس کو 2020 کا لینڈنگ کرکٹر قرار دیدیا. تازہ ایڈیشن میں انہیں دنیا کا بہترین کرکٹر کہا گیا ہے. بین اسٹوکس نے 2019 ورلڈ کپ کے فائنل اور ایشز سیریز کے ایک ٹیسٹ میں نہایت اہم ترین کردار ادا کیا تھا. اس طرح بھارت کے ویرات کوہلی کی 3 سالہ ٹائٹل شپ کا بھی خاتمہ ہوگیا ہے .اسٹوکس 2005 کے بعد یہ اعزاز حاصل کرنے والے پہلے انگلش کھلاڑی ہیں .
انگلش آل رائونڈر نے ورلڈ کپ فائنل میں نیوزی لینڈ کے خلاف ذمہ دارانہ اننگ کھیلی اور پھر سپر اوور میں بھی جادو جگایا. چند ہفتے بعدہیڈنگلے میں ایشز ٹیسٹ میں آسٹریلیا کے خلاف 135 کی ناقابل شکست اننگ کھیل کر اپنی ٹیم کو ناقابل یقین فتح دلوائی. آسٹریلیا کی ویمن کرکٹر الیسا پیری سال کی بہترین خاتون کرکٹر قرار پائی ہیں. ساتھ ہی وژ ڈن کے سال کے 5 بہترین پلیئرز میں بھی شامل ہیں. وہ یہ ٹائٹل لینے والی دنیا کی 7 ویں اور پہلی غیر ملکی کرکٹر ہیں. ویسٹ انڈیز کے آندرے رسل کو ٹی 20 کرکٹ میں دنیا کا سالانہ بہترین کرکٹر منتخب کیا گیا ہے.
وژ ڈن کی ٹائٹل تصویر ورلڈ کپ فائنل کا وہ لمحہ ہے جب انگلش وکٹ کیپر جوس بٹلر کیوی بلے بازمارٹن گپٹل کو رن آئوٹ کر رہے ہیں. ایڈیشن کے 80 صفحات انگلینڈ کی ورلڈ کپ فتح پر مختص ہیں کیونکہ انگلینڈ پہلی بار ورلڈ چیمپئن بنا ہے.
سال کے 5 بہترین کرکٹرز میں انگلش پیسر جوفرا آرچر، آسٹریلوی پیسر پیٹ کمنز، آسٹریلیا کی ویمن آل رائونڈر ایلیسا پریری، آسٹریلیا کے بیٹسمین مارنوس لبوشین اور انگلش کائونٹی کے بہترین پرفارمر جنوبی افریقا سے تعلق رکھنے والے ایسیکس کے لئے کھیلنے والےسائمن ہارمر شامل ہیں.
وژ ڈن کرکٹ کا قدیم اور معروف لینڈ مارک ادارہ ہے جو ایک صدی سے بھی زائد عرصے سے سال کے بہترین کرکٹرز کا انتخاب کرتا ہے اسے دنیائے کرکٹ میں اعلی ترین اور نہایت قابل احترام مقام حاصل ہے.