آج نامور صحافی ، انشائیہ نگار اقبال ساغرصدیقی کی گیارہویں برسی ہے

ملتان (اے پی پی):نامور صحافی ، کالم نگار اور انشائیہ نگار اقبال ساغرصدیقی کی گیارہویں برسی آج پیر کو منائی جائے گی۔اقبال ساغر صدیقی 15ستمبر 1930کو حیدرآباد دکن میں پیدا ہوئے۔آپ کے والد سول سروس آفیسر تھے۔
اقبال ساغر صدیقی نے گریجویشن جامعہ عثمانیہ حیدرآباد دکن سے کی اور اوائل عمری میں ہی صحافت سے منسلک ہوگئے۔انہوں نے ا خبار” پیام “ میں ملازمت اختیار کی۔1954ءمیں اخباربند ہوا تو آپ ہجرت کرکے کراچی آگئے۔اس دوران کراچی یونیورسٹی سے صحافت میں ڈپلومہ کیا۔1956ءمیں روزنامہ امروز کراچی سے منسلک ہوئے۔ 1962میں اقبال ساغر صدیقی کاتبادلہ ملتان کردیاگیا۔آپ سب ایڈیٹر، نیوز ایڈیٹر، اور میگزین ایڈیٹر کے فرائض انجام دیتے رہے۔
1978ءمیں ریذیڈنٹ ایڈیٹر فائز ہوئے۔ 1988ءمیں ریٹائرہوگئے۔اقبال ساغر صدیقی کے انشائیوں کے مجموعے ” شوخی تحریر“ اور ” گل افشانی گفتار“ کے نام سے شائع ہوئے۔2جنوری 2012ءکو حرکت قلب بند ہوجانے سے انتقال کرگئے۔