کراچی : ملک میں بڑھتے ہوئے سیاسی ومعاشی عدم استحکام اورڈیفالٹ کے خطرات کے پیش نظر سرمایہ کاروں نے اپنا سرمایہ پاکستان سے باہر منتقل کرناشروع کردیاہے ۔اوراپنے بہت سے کاروبار سمیٹ رہے ہیں ۔اس حوالے سے جنگ گروپ نے بھی ابتدائی طورپراپنا سرمایہ بیرون ملک منتقل کردیاہے ۔ذرائع کے مطابق اخبار کی سرکولیشن کم ہونے کے باعث جنگ کراچی کاپرنٹنگ پریس یکم جنوری سے بند کردیاجائے گااورسٹاف کی مزید ڈاﺅن سائزنگ کی جائے گی۔
اخبار کی اشاعت ابھی جاری رہے گی ۔بعض مبصرین کاکہناہے کہ اگلے مرحلے میں جیوکی طرح جنگ کاہیڈآفس بھی دبئی یاکسی اورملک میں منتقل کردیاجائے گا ،جنگ اورجیوکے سربراہ میر شکیل الرحمن بھی بیرون ملک جاسکتے ہیں ۔جنگ گروپ گزشتہ دورحکومت میں زیرعتاب رہااورمیرشکیل الرحمن کو بھی نیب کی جانب سے طویل عرصہ تک بلاوجہ حراست میں رکھاگیا۔تجزیہ نگاروں کے مطابق ان انتقامی کارروائیوں کے نتیجے میں جنگ اورجیو مالی بحران کاشکارہوئے ۔
