جنوبی پنجاب میں کانٹے دار مقابلے : یوسف رضا گیلانی سمیت اہم رہنما میدان میں

ملتان : ملک بھر کی طرح ملتان سمیت پورے جنوبی پنجاب میں پاکستان کے بارہویں عام انتخابات کے لیے پولنگ کا عمل شروع گیا ۔
ضلع ملتان میں چھے قومی اور 12 صوبائی نشستوں پر انتخابات ہورہے ہیں جن میں سابق وزیر اعظم یوسف رضا گیلانی قومی اسمبلی کے سابق چیف وہیپ ملک عامر ٍڈوگر اور استحکام پاکستان پارٹی کے سربراہ جہانگیر خان ترین سمیت کئی اہم قومی رہنما حصہ لے رہے ہیں ۔
اس ضلعے میں رجسٹرڈ ووٹرز کی کل تعداد 31 لاکھ 10 ہزار 191 ہے جن میں 16 لاکھ 40 ہزار 497 مرد اور 14 لاکھ 69 ہزار 694 خاتون ووٹرز ہیں۔ضلع بھر میں سے 18 سو سے زائد پولنگ سٹیشن قائم کیے گئے ہیں ۔