ملتان۔31مئی (اے پی پی):معروف شاعر ریاض الرحمان ساغر کی کل دسویں برسی منائی جائے گی ۔ریاض الرحمان ساغر دسمبر 1941 میں بھارت کے شہر بٹھنڈہ میں پیدا ہونے والے ریاض الرحمان ساغر کے آباء و اجداد قیام پاکستان کے وقت لاہور منتقل ہوگئے تھے۔
انہوں نے اخبارات میں کالم نگاری کے علاوہ ادب کے شعبہ میں بھی کار ہائے نمایاں انجام دیے۔ انہوں نے فلم لالہ رخ سے نغمہ نگاری کا سفر شروع کیا اور فلم شریک حیات اور فلم سماج کے نغموں سے ملک گیر شہرت حاصل کی ۔انہوں نے فلموں اورریڈیو،ٹی وی کے لئے دوہزار سے زائد نغمات لکھے ،75فلموں کے سکرپٹ تحریرکئے،فلمی گیتوں کی کتاب سمیت ان کے سفرناموں اور بچوں کی نظموں کی متعددکتب بھی شائع ہوئیں ۔
ریاض الرحمن ساغر یکم جون 2013ء میں مختصر علالت کے بعد لاہور میں انتقال کر گئے تھے۔
