اسلام آباد: ایران نے لیاری کے گینگ کے عزیر بلوچ کی ان کی خفیہ ایجنسی کے ساتھ رابطے کے الزامات کو بدنام کرنے کی مہم قرار دیتے ہوئے مسترد کردیا۔ اسلام آباد میں ایرانی سفارت خانے سے جاری ہونے والے بیان میں کہا گیا ہے کہ ‘حالیہ کچھ دنوں میں کچھ ملزمان کی سرگرمیوں کا ایرانی تنظیم سے تعلق کے حوالے سے میڈیا کے ذریعے پھیلائی جانے والی بے بنیاد افواہوں’ کو مسترد کیا جاتا ہے۔ واضح ہو کہ گذشتہ سال عزیر بلوچ سے تفتیش کے لیے سندھ حکومت نے جوائنٹ انوسٹی گیشن ٹیم تشکیل دی تھی جس نے اپنی رپورٹ میں کہا تھا کہ ‘غیر ملکی ایجنٹس (ایرانی انٹیلی جنس افسران) کو فوجی تنصیبات اور اعلیٰ حکام سے متعلق تفصیلات فراہم کرنے کے باعث عزیز بلوچ جاسوسی کی سرگرمیوں میں بھی ملوث پایا گیا جو آفیشل سیکریٹ ایکٹ 1923 کی خلاف ورزی ہے’۔
