مفتی منیب نے چاند چڑھا کر خود عید نہ منائی : ملک بھر میں چہ میگوئیاں

کراچی : اتوار کے روز ملک بھر میں عیدالفطر منائی گئی تاہم چاند کی رویت کا اعلان کرنے والے مفتی منیب الرحمن نے خود عید نہیں منائی۔
چیئرمین رویت ہلال کمیٹی مفتی منیب الرحمن ہر سال فیڈرل بی ایریا کراچی کی مسجد اقصی میں نماز عید کی امامت کرتے ہیں لیکن اتوار کے روز مسجد کے منتظمین نے اچانک اعلان کر دیا کہ مفتی صاحب کی طبعیت خراب ہے اور وہ نماز کی امامت کے لیے نہیں آئیں گے جس کے بعد یہ چہ میگوئیاں بھی شروع ہوگئیں کہ مفتی منیب الرحمن نے روزہ رکھا ہوا ہے۔اس لئے وہ عید نہیں منا رہے ۔
اس بارے میں جب مسجد انتظامیہ سے رابطہ کیاگیا تو انہوں نے کہاکہ مفتی صاحب کی طبعیت کی ناسازی پر شبہات کا اظہار نہ کیاجائے اور عید کے چاند کو متنازعہ نہ بنایا جائے۔