میاں چنوں : بدھ کی صبح نادرا آفس میاں چنوں کی چھت گر نے سے ایک خاتون جاں بحق ہو گئی ۔جس وقت یہ حادثہ ہوا تو دفتر کھلا ہوا تھا اور عملہ کام کر ر ہا تھا ۔
چھت گرنے کے باعث ایک خاتون نازیہ بی بی جاں بحق جبکہ آٹھ خواتین سمیت بائیس افراد زخمی ہوگئے ۔اطلاع ملتے ہی ریسکیو 1122 کی گاڑیاں اور تحصیل انتظامیہ موقع پر پہنچ گئی اور امدادی کام شروع کر دیاگیا ،زخمیوں میں زیادہ تر آفس ملازمین شامل ہیں ۔ایم ایس تحصیل ہیڈ کوارٹر ڈاکٹر نذیر ہراج کے مطابق تین زخمیوں کی حالت تشویشناک ہے۔جنہیں ڈسٹرکٹ ہیڈ کوارٹر ہسپتال خانیوال منتقل کیا جا رہا ہے ۔شدید زخمیوں میں نادرا آفس انچارج رانا انتظار بھی شامل ہیں ۔۔
