کوئٹہ :لالی ووڈ اور بالی ووڈ اداکارہ و سپر ماڈل ماہرہ خان پر پاکستان لٹریچر فیسٹیول کے دوران شائقین میں بیٹھے نامعلوم فرد نے کچھ چیزیں پھینک دیں جس کی ویڈیو سوشل پر وائرل ہو گئی ہے۔
بین الاقوامی شہرت یافتہ پاکستانی اداکارہ ماہرہ خان پر نامعلوم چیز پھینکے جانے کی ویڈیو سوشل میڈیا پر گزشتہ شام سے زیرِ گردش ہے۔
یہ ویڈیو بلوچستان کے دارالحکومت میں کراچی آرٹس کونسل آف پاکستان کے تعاون سے جاری پاکستان لٹریچر فیسٹیول کی ہے۔
ویڈیو میں دیکھا جا سکتا ہے کہ ماہرہ خان کریم رنگ کی ساڑھی میں میزبان، معروف فلم ہدایتکار و پروڈیوسر وجاہت رؤف کے ساتھ اسٹیج پر بیٹھی قیامت ڈھا رہی ہیں۔
ماہرہ خان سے شائقین کی جانب سے اپنی کسی فلم کا کوئی ڈائیلاگ سنانے کی فرمائش کی جاتی ہے کہ اسی دوران اُن پر ایک نامعلوم چیز بھی آ گرتی ہے۔
شائقین کی اس حرکت پر ماہرہ خان نے اپنا آپا کھوئے بغیر بڑے سنجیدگی اور بہادری سے ردِ عمل دیا۔
پہلے تو ماہرہ خان نے چیز پھینکنے والے کو واہ واہ واہ کہہ کر داد دی، پھر کہا کہ یہ غلط ہو گیا ہے اب۔
فلم ’ورنہ‘ کی اداکارہ نے افسوس کا اظہار کرتے ہوئے مزید کہا کہ اب تو ڈائیلاگ سنانا نہیں بنتا، آپ لوگ مجھ پر چیزیں پھینک رہے ہیں۔
بعد ازاں ماہرہ خان نے اپنا موڈ خوشگوار کرتے ہوئے اپنی بلاک بسٹر فلم ’مولا جٹ‘ کا مشہور ترین ڈائیلا بول کر شائقین کے دل جیت لیے۔
(بشکریہ:جیونیوز)
