لاہور (اے پی پی):لاہور کی انسدادِ دہشت گردی کی خصوصی عدالت نے جناح ہاؤ س پرحملہ کیس میں سابق وزیراعظم عمران خان کے ضمانتی مچلکے ان کے سویپر سے لینے سے انکار کردیا ۔عدالت نے استفسار کیا کہ میں کیسے یہ مچلکے منظور کر لوں کل کو عمران خان نہ آیا تو تم ذمہ دار ہو گے ۔
عدالت نے ضمانتی کی ذمہ داری نہ لینے پر عمران خان کے ضمانتی مچلکے منظور نہ کئے۔ واضح رہے کہ عدالت نے عمران خان کی ضمانت منظور کرتے ہوئے لاکھ لاکھ روپے کا ضمانتی مچلکہ جمع کرانے کا حکم دیا تھا۔ انسداد دہشت گردی عدالت کے جج اعجاز احمد بٹر نے کیس کی سماعت کی۔ عمران خان کی جانب سے ضمانتی مچلکے جمع کروانے ان کے سویپر پیش ہوئے جس نے موقف اپنایا کہ جو ضمانتی مچلکے عدالت نے طلب کئے ہیں وہ نقد رقم دینے کو تیار ہیں۔ عمران خان کا ضمانتی مقدمہ نمبر23 /1271 گلبرگ ، 96/23 سرور روڈ اور 768/23 تھانہ شادمان میں درج مقدمہ میں ضمانتی مچلکے جمع کرانے آیا تھا۔
