کرکٹ کا کھیل ریموٹ پر ممکن ہے تو اسکا کام کیوں ایسے نہیں ہوسکتا .حقیقی کرکٹ تو کمپیوٹر پر ممکن نہیں لیکن اس سے متعلق ضروری امور ہوسکتے ہیں.رکن کرکٹ ممالک کے اکثر آفسز بند ہوچکے تھے اور اب کرکٹ کا ہیڈ کوارٹر بھی بند ہوگیا، کورونا وائرس کی وجہ سے انٹرنیشنل کرکٹ کونسل نے دبئی میں اپنا آفس بند کرکے سارے کام ریموٹ پر منتقل کردیئے ہیں. گلوبل باڈی کے تمام ملازمین اپنے گھروں سے ضروری امور دیکھ رہے ہیں.
چیئرمین آئی سی سی ششانک منوہر اور چیف ایگزیکٹو مانو سواہنی جمعہ کو ویڈیو کانفرنس کے ذریعہ تمام امور کا جائزہ لیں گے. پوری دنیا اس وقت متاثر ہے .مارچ کے آخر میں بورڈز اجلاس بھی ویڈیو کانفرنس کے ذریعہ ہوگا جس میں فوری نوعیت کے امور دیکھے جائیں گے.بھارتی آئی پی ایل اور انگلش کرکٹ سیزن کے متاثر ہونے کا جائزہ لیا جائےگا .کرکٹ کمیٹی بھی اپنی سفارشات فون پر دے گی .اجلاس میں مستقبل قریب کے حوالے سے رکن ممالک کو ضروری ہدایات دی جائیں گی.
