راولپنڈی : ہفتے کے روز آئی ایس آئی کے سابق سربراہ جنرل حمیدگل کی بیٹی عظمیٰ گل کی ٹرانسپورٹ کمپنی واران کے بس ڈپوکے خلاف انتظامیہ کی کارروائی کوخاندانی جھگڑے کا نتیجہ قرار دیا جارہاہے ۔
ذرائع کے مطابق عظمیٰ گل اوران کے بھائی عبداللہ گل کے مابین جائیدادکاجھگڑاہےطویل عرصہ سے چل رہا ہے اور دونوں ایک دوسرے پر سنگین الزامات بھی عائد کر چکے ہیں ۔عظمیٰ گل اپنے بھائی کے خلاف ماضی میں مقدمہ بھی درج کراچکی ہیں ۔
ذرائع کاکہناہے کہ بعض حلقے اس کارروائی کے پیچھے عمرگل کاہاتھ بیان کر رہے ہیں جنہیں اس وقت حکومتی جماعت کی حمایت حاصل ہے ۔معروف کالم نگارہارون الرشید نے دو روز قبل ایک ٹاک شومیں بہن بھائی کے اختلافات کاذکرکیاتھا۔خاندان کے قریبی ذرائع کاکہناہے کہ حمید گل کی اہلیہ پہلے عظمیٰ گل کے پاس رہتی تھیں بعدازاں والدہ کو بیٹا زبردستی اپنے گھر لے گیااورحمید گل کی اہلیہ کابیٹے کے گھرہی انتقال ہوا ۔ماں کے انتقال پرعظمیٰ گل کو جنازہ میں شرکت سے بھی روکنے کی کوشش کی گئی اوروہ کچھ دیر کے لئے ہی اپنی والدہ کادیدارکرنے بھائی کے گھرگئی تھیں ۔
ذرائع کاکہناہے کہ عظمیٰ گل کے پرویز مشرف کے ساتھ اس وقت اختلافات ہوگئے تھے جب ججوں کی تحریک کے دوران پرویزمشرف نے عظمیٰ گل کے والد حمیدگل کو گرفتارکرلیاتھا۔اورحمید گل تین روزاڈیالہ جیل میں رہے تھے ۔بعدازاں حمیدگل اورپرویزمشرف کے درمیان شدیداختلافات رہے اورچندماہ پہلے جب پشاورہائیکورٹ نے پرویزمشرف کو غداری کے الزامیں سزاسنائی توعظمیٰ گل نے پرویزمشرف کی سزاکاخیرمقدم کیااوراپنے کالموں میں انہیں غدارقراردیاتھا۔ بعض مبصرین پرویز مشرف کے خلاف ان کے بیانات اور کالموں کو بھی اس واقعے کی بنیاد قرار دے رہے ہیں ۔
عظمیٰ گل کی اپنے والد کے ساتھ تصویر پیچھے وردی میں عبداللہ گل موجود ہیں