کراچی:سابق وزیر خزانہ عبدالحفیظ شیخ دبئی سےکراچی پہنچ گئے۔ائیرپورٹ ذرائع کے مطابق عبدالحفیظ شیخ امریکا سے براستہ دبئی کراچی پہنچے ہیں، جناح ٹرمینل پرعبدالحفیظ شیخ کو انتہائی غیرمعمولی پروٹوکول دیاگیا،سادہ لباس اہلکار حفیظ شیخ کوسخت حفاظتی حصار میں ائیرپورٹ سے باہر لےگئے۔
ذرائع کے مطابق جناح ٹرمینل پر لاؤنج سے باہربڑی تعداد میں پولیس اہلکار بھی تعینات تھے۔سابق وزیر خزانہ عبدالحفیظ شیخ کو کراچی پہنچنے پر وزیراعلیٰ سندھ کا پروٹوکول اپنے ساتھ لے گیا۔ پاکستان تحریک انصاف کی حکومت میں وزیر خزانہ رہنے والے عبدالحفیظ شیخ امریکا سے براستہ دبئی کراچی پہنچے۔ذرائع نے بتایا کہ عبدالحفیظ شیخ خلیجی ائیرلائن فلائی دبئی کے ذریعے وطن پہنچے، ان کے ہمراہ بیگیج بھی نہیں تھا۔ان کی آمد اور غیر معمولی پروٹوکول پر نگران وزیر اعظم کے حوالے سے قیاس آرائیاں بھی شروع ہو گئیں۔
قبل ازیں سابق وفاقی وزیر خزانہ عبدالحفیظ شیخ نے ٹرانزٹ حفاظتی ضمانت کیلئے سندھ ہائیکورٹ سے رجوع کرلیا۔ عدالت نے دس روز کیلئے حفاظتی ضمانت منظور کرلی۔
عبد الحفیظ شیخ کی جانب سے دائر درخواست میں موقف اختیار کیا گیا کہ عبدالحفیظ نے احتساب عدالت میں پیش ہونا ہے، درخواست گزار اس وقت دبئی میں رہائش پذیر ہیں، درخواست گزار نیب کے ساتھ مکمل تعاون کے لیے تیار ہے۔
وکیل درخواست گزار نے مزید کہا کہ نیب کی جانب سے کوئی کال اپ نوٹس جاری ہوا نا ہی کوئی وارنٹ جاری کیے گیے۔ خیال رہے عبد الحفیظ شیخ پر نجی کمپنی کو فائدہ دینے کا الزام ہے۔ نیب کے مطابق عبد الحفیظ شیخ کی وجہ سے 11.25 ملین ڈالر کا قومی خزانے کو نقصان ہوا ہے۔
حفیظ شیخ کی پاکستان آمد ، کرپشن کیس میںضمانت غیر معمولی پروٹوکول ، قیاس آرائیاں شروع
ایڈیٹر6 Views
