حسنین رضوی کا اختصاریہ : الوداع جنرل باجوہ

افسوس جنرل باجوہ صاحب آپ نے نیوٹرل ہونے کا نعرہ لگایا اچھی بات ہے لیکن آ پ نے ” نیوٹرل ” ہونا ثابت نھیں کیا ، آ پ کے ہوتے ہوئے وہی چور اقتدار پر قابض ہوے جنھیں آپ کے ادارے نے ہی ” چور ” ڈکلیئر کیا ہوا تھا ۔ آپ کے ہوتے ہی دنیا کی نمبر ون انٹیلیجنس ایجنسی متنازعہ ہوئی ۔ آ پ کے ہوتے ہوۓ یہ نعرہ لگا ” یہ جو دہشت گردی ہے اس کے پیچھے وردی ہے ” ۔ آپ کے ہوتے ہوۓ وہ شخص وزیر دفاع بنا جس نے اسمبلی کے فلور پر کھڑے ہوکر یہ کہا تھا کہ ” ہم نے آج تک کوئی جنگ نہیں جیتی اور فوج نے اس قوم کی ہڈیوں سے گوشت بھی نوچ لیا ۔ آپ کے ہوتے ہوۓ وہ لوگ اقتدار پر قابض ہوئے جنھوں نے جلسوں میں آپ کا نام لیکر الزام تراشی کی اور بد زبانیاں کیں ۔
بہرحال آپ کے دور میں ہم نے دہشت گردی کے خلاف جنگ میں کامیابیاں حاصل کیں ۔ آپ کے ہی دور میں امریکہ کو افغانستان سے نکلنا پڑا اور افغانستان سے ” را ” کے نیٹ ورک کا خاتمہ ہوا ۔ آپ کے ہی دور میں اور آپ کے ادارے کی کاوشوں سے پاکستان FATF کی گرے لسٹ سے نکلنے میں کامیاب ہوا ۔ آپ کی ہی کوششوں سے پاکستان ابھی تک ڈیفالٹ ہونے سے بچا ہوا ہے ۔ جنرل صاحب آپ نے غیر معینہ مدت کی توسیع لینے سے انکار کیا اور ریٹائر ہونے کو ترجیح دی ۔ جنرل صاحب غلطیاں انسانوں سے ہوتی ہیں اور غلطی تسلیم کرنا بڑے انسان کی نشانی ہوتی ہے . جنرل صاجب ملک کے پیچیدہ حالات میں آپ کی خدمات کو ہمیشہ یاد رکھا جاۓ گا ( الوداع جنرل )