ملتان : چار بہن بھائیوں سمیت ایک ہی خاندان کے پانچ افراد دریائے چناب میں ڈوب گئے

ملتان : بند بوسن کے قریب چار بہن بھائیوں سمیت ایک ہی خاندان کے پانچ افراد دریائے چناب میں ڈوب گئے ۔ حادثے کی اطلاع ملنے پر ایمرجنسی ریسکیو1122 کے ریسکیور فوری موقع پر پہنچے اور ڈوبنے والوں کی تلاش شروع کردی۔ریسکیو نے فاروق نامی نوجوان کی لاش نکال لی ہے ۔
ایمرجنسی آفیسر آپریشنز ڈاکٹر کلیم اللہ کے مطابق ڈوبنے والوں میں چار بہن بھائی اوران کا ایک کزن شامل ہے۔
بہن بھائیوں میں رقیہ کی عمر16 سال،شہزادی13سال،فریحہ8 سال اور فاروق کی عمر18 سال ہے جب کہ ڈبنے والے ماجد کی عمر 13 سال ہے ۔ڈوبنے والے افراد چونگی نمبر6 ملتان کے رہائشی تھے اور گندم کی فصل کی کٹائی کے لئے بند بوسن گئے ہوئے تھے ۔پانچوں افراد نہانے کے لئے گہرے پانی میں اترے جس کی وجہ سے یہ د لخراش واقعہ پیش آیا ۔ ریسکیو حکام کے مطابق تمام افراد کی لاشیں ملنے تک آپریشن جاری رہے گا۔