پاکستان میں گذشتہ 24 گھنٹوں کے دوران مزید 4198 افراد میں کورونا وائرس کی تشخیص ہوئی ہے جبکہ 108 افراد ہلاک بھی ہوئے ہیں۔
گذشتہ روز ملک میں 46 ہزار سے زیادہ ٹیسٹ کیے گئے جن میں مثبت کیسز کی شرح نو فیصد رہی۔پاکستان میں ویکسینیشن کا عمل جاری ہے اور منگل کے روز دو لاکھ سے زیادہ افراد کو ویکسین لگانے کا اہتمام کیا گیا۔پختونخوا میں بھی آٹھ مئی سے مکمل لاک ڈاؤن ہوگا؎
* محکمہ صحت خیبر پختونخوا کے مطابق گزشتہ 24 گھنٹوں میں صوبے میں کورونا وائرس کے مزید 629 کیس سامنے آئے ہیں جبکہ 31 افراد ہلاک ہوئے ہیں۔
* صوبے میں کورونا کے مجموعی متاثرین کی تعداد 121728، صحت یاب افراد کی تعداد 107370 جبکہ اس وقت فعال کیسز کی تعداد 10 ہزار 861 ہے۔
* صوبائی وزیر صحت تیمور جھگڑا کے مطابق آٹھ سے 16 مئی تک صوبہ خیبر پختونخواہ میں لاک ڈاؤن ہو گا۔
* اس موقع پر صرف ضروری دوکانیں کھلی ہوں گیں، بین الاصوبائی، اضلاعی اور شہروں کی پبلک ٹرانسپورٹ بند رہے گی جبکہ ٹیکسی اور رکشہ سروس پچاس فیصد کی پابندی کے ساتھ کام کر سکیں گے۔
* ڈی آئی جی ہزارہ میر اویس نیاز نے بی بی سی کو بتایا کہ ہزارہ کے تمام سیاحتی مقام کاغان، ناران، بالاکوٹ، نتھیاگلی مکمل طور پر بند ہوں گے۔
* ڈی آئی جی ہزارہ کے مطابق ہوٹلوں، گیسٹ ہاوسز پر 144 نافذ کر دی گئی ہے اور بکنگ کی صورت میں کارروائی ہو۔
