سوات :سوات کے علاقے مدین میں جمعرات کو توہین مذہب کے الزام پر علاقہ مکینوں نے شہری کو جلا دیا۔ ضلعی پولیس افسر سوات کے مطابق پولیس شہری کو تھانے لے گئی تھی، مشتعل افراد وہاں سے اسے لے گئے اور جلا دیا۔ ڈسٹرکٹ پولیس آفیسر (ڈی پی او) زاہد اللّٰہ خان کے مطابق مشتعل افراد نے اس دوران مدین تھانے کو بھی آگ لگا دی۔مرنے والے کا تعلق سیالکوٹ سے بتایا جاتا ہے ۔
زاہد اللّٰہ خان کے مطابق مشتعل افراد نے تھانے میں بھی توڑ پھوڑ کی اور پولیس کی گاڑیوں کو بھی نقصان پہنچایا۔سوشل میڈیا پر آنے والی تصاویر اور ویڈیوز میں پولیس اور مظاہرین میں فائرنگ کا تبادلہ بحی ہو رہا ہے ۔
