اسلام آباد : وفاقی حکومت نے ایک روز قبل پیٹرول کی قیمت میں معمولی کمی کے بعد ایک بار پھر پیٹرولیم مصنوعات مہنگی کردی ہیں۔
پیٹرولیم ڈویژن کی جانب سے جاری نوٹیفکیشن کے مطابق پیٹرول کی قیمت میں ایک روپے 63 پیسے فی لیٹر اضافہ کیا گیا ہے، جبکہ ہائی اسپیڈ ڈیزل ایک روپے 55 پیسے فی لیٹر مہنگا کر دیا گیا ہے۔
نئے نوٹیفکیشن کے مطابق ہائی اسپیڈ ڈیزل کی نئی قیمت 388 روپے 38 پیسے مقرر کی گئی ہے، جبکہ پیٹرول 335 روپے 81 پیسے فی لیٹر دستیاب ہوگا۔
نوٹیفکیشن کے مطابق پیٹرول اور ڈیزل کی نئی قیمتوں کا اطلاق 29 جولائی سے ہوگا۔
حکومت نے خطے کی موجودہ صورتحال کے پیش نظر پیٹرولیم مصنوعات کی قیمتوں کا تعین روزانہ کی بنیاد پر کرنے کا فیصلہ کیا ہے۔
اس فیصلے کے تحت آئل اینڈ گیس ریگولیٹری اتھارٹی (اوگرا) وزیراعظم یا وفاقی حکومت کی پیشگی منظوری کے بغیر قیمتوں کا اعلان کرے گی، جبکہ ہفتہ اور اتوار کو پہلے سے نافذ قیمتیں برقرار رہیں گی۔
واضح رہے کہ 28 جولائی کے لیے جاری کیے گئے فیصلے کے تحت پیٹرول کی قیمت میں ایک روپے فی لیٹر کمی کی گئی تھی، جبکہ ہائی اسپیڈ ڈیزل کی قیمت میں 3 روپے 37 پیسے فی لیٹر اضافہ کیا گیا تھا۔
( بشکریہ : جیو نیوز )
فیس بک کمینٹ