ایف بی آر نے ٹیکس چوری روکنےکیلئے اضافی عملہ اور وسائل مانگ لیے

اسلام آباد: فیڈرل بورڈ آف ریونیو (ایف بی آر) نے ٹیکس چوری روکنےکے لیے اضافی عملہ اور وسائل مانگ لیے۔
ذرائع کے مطابق ایف بی آر حکام کا کہنا ہےکہ ٹیکس چوری کے خلاف فیلڈ آپریشن اور انفورسمنٹ بڑھانا چاہتے ہیں، ٹیکس مشینری کو ہر 200 روپے آمدن کے بدلے صرف 1 روپیہ ملتا ہے۔
وفاقی کابینہ کی جانب سے ایف بی آر کو 1087 نئی گاڑیوں کی خریداری کی اجازت دینے کا انکشاف
ایف بی آر کا کہنا ہےکہ بھارت میں ٹیکس آپریشنز پر مجموعی ریونیو کا 1.5 فیصد خرچ ہوتا ہے، پاکستان میں ٹیکس آپریشنز پر اخراجات صرف 0.44 فیصد کے مساوی ہیں۔
ایف بی آر کے مطابق گزشتہ مالی سال پنجاب ریونیو اتھارٹی کا سالانہ ٹیکس ہدف 240 ارب تھا، صوبائی محکمے میں تنخواہیں و مراعات وفاقی حکومت کی نسبت 20 گنا زیادہ ہیں۔ایف بی آر ذرائع کے مطابق چینی، سیمنٹ، تمباکو اورکھاد فیکٹریوں کی نگرانی کے لیے صرف چند گاڑیاں ہیں، اکثر فیکٹریاں ملک کے دور دراز علاقوں میں واقع ہیں۔
(بشکریہ:جیونیوز)