ملتان : زندگی کے مختلف شعبوں سے تعلق رکھنے والے افراد نے پاک فوج کی جانب سے لیفٹیننٹ جنرل ریٹائرڈ فیض حمید کے کورٹ مارشل اور انہیں حراست میں لیئے جانے کا خیر مقدم کرتے ہوئے مطالبہ کیا ہے کہ آئی ایس آئی کے سابق سربراہ کے بعد آئی ایس پی آر کے سابق سربراہ جنرل آصف غفور کو بھی کٹہرے میں لایا جائے۔
جنرل آصف غفور نے بھی اپنے عہدے کا ناجائز استعمال کرتے ہوئے سیاسی امور میں مداخلت کی۔اور سیاستدانوں کو اپنے ٹوئٹر اکاونٹ کے ذریعے براہ راست دھمکیاں دیں۔عوامی حلقوں کا کہنا ہے کہ جنرل آصف غفور بھی کرپشن سمیت بہت سے غیر قانونی کاموں میں ملوث رہے۔اور انہیں جنرل باجوہ کی سرپرستی حاصل تھی۔ جنرل فیض حمید کیخلاف کارروائی سے پاک فوج کا وقار بلند ہوا ہے اب آصف غفور سمیت تمام ملزمان کو کیفر کردار تک پہنچانا ضروری ہے۔
