ملتان :جہازرانی کے شعبے میں قومی وعالمی سطح پرشہرت رکھنے والے جہازراں مرچنٹ نیوی کیپٹن محمد سہیل حسین بادوزئی کوسوموار کی رات آہوں اور سسکیوں کے ساتھ سپردخاک کردیاگیا۔
وہ طویل عرصہ سے جہازرانی کے شعبے سے وابستہ تھے۔نماز جنازہ میں نامور صحافیوں سمیت زندگی کے مختلف شعبوں سے تعلق رکھنے والے سیکڑوں افراد نے شرکت کی۔سہیل حسین بادوزئی کا 14جنوری کو کراچی میں حرکت قلب بند ہوجانے سے انتقال ہوگیاتھا۔انہیں اگلے روز ڈیوٹی کے سلسلے میں ملائیشیاروانہ ہوناتھا۔وہ سینئرصحافی محمد ندیم قیصرکے بڑے بھائی تھے۔مرحوم کے پسماندگان میں بیوہ کے علاوہ دوبیٹے اور بیٹی شامل ہیں۔نماز جنازہ کے بعد انہیں چونگی نمبر8کے قبرستان میں سپردخاک کردیاگیا۔زندگی کے مختلف شعبوںسے تعلق رکھنے والے افراد نے ان کے انتقال پر گہرے دکھ اورصدمے کااظہارکیاہے اوران کی وفات کو قومی نقصان قراردیا ہے۔
