اسلام آباد : شاہ محمود قریشی سابق رکن صوبائی اسمبلی و ٹکٹ ہولڈر پی پی 220 میاں طارق عبداللہ آج 2 بجے نیشنل پریس کلب اسلام آباد میں پریس کانفرنس کریں گے۔ڈاکٹر اختر ملک سابق وفاقی وزیر شاہ محمود قریشی کے قریبی ساتھی ہیں۔
واضح رہے کہ گزشتہ روز بھی کئی رہنماؤں نے تحریک انصاف سے علیحدگی کا اعلان کیا تھا۔
اسلام آباد ہائی کورٹ میں اسلام آباد پولیس نے جواب جمع کرایا ہے جس میں کہا گیا ہے کہ پی ٹی آئی رہنما شاہ محمود قریشی کہاں ہیں؟ معلوم نہیں۔
عدالتِ عالیہ میں شاہ محمود قریشی کی مقدمات کی تفصیلات فراہمی کی درخواست پر چیف جسٹس عامر فاروق نے سماعت کی۔
شاہ محمود قریشی کے وکیل بیرسٹر تیمور ملک اور اسسٹنٹ اٹارنی جنرل عظمت بشیر تارڑ عدالت کے سامنے پیش ہوئے۔
عدالت نے وزارتِ داخلہ کو حکم دیا کہ شاہ محمود قریشی کس مقدمے میں گرفتار ہیں اس سے متعلق آگاہ کریں۔پولیس نے عدالت کو بتایا کہ اسلام آباد میں شاہ محمود قریشی کے خلاف 2 مقدمات ہیں، ان کے خلاف 6 پرانے کیسز ہیں۔جس کے بعد چیف جسٹس عامر فاروق نے سماعت میں وقفہ کر دیا۔
ادھر ہفتہ کے روز حکومت نے شاہ محمود قریشی، اسد عمر، پرویز خٹک اور شیخ رشید سمیت دس سیاسی رہنماؤں کے سفارتی پاسپورٹ منسوخ کردیے۔
ایکسپریس نیوز کے مطابق ڈائریکٹوریٹ آف پاسپورٹ اینڈ امیگریشن کی جانب سے تحریک انصاف کے دس سیاسی رہنماؤں کے ڈپلومیٹک پاسپورٹ منسوخ اور غیر فعال کردئیے گئے۔جن رہنماؤں کے پاسپورٹ منسوخ کیے گئے ہیں ان میں عون عباسی، شاہ محمود قریشی، اسد عمر، پرویز خٹک، علی امین گنڈاپور، علی محمد خان، فرخ حبیب، زرتاج گل اعظم خان سواتی اور عوامی مسلم لیگ کے سربراہ و پی ٹی آئی کے حامی شیخ رشید احمد شامل ہیں۔