اسلام آباد 🙁 گردوپیش نیوز ) نومئی کے واقعات میں بعض ٹی وی چینلز کے مالکان اوراینکرپرسنز کے ملوث ہونے کے ٹھوس شواہد ملنے کے بعد قومی سلامتی سے متعلق اداروں نے اگلے مرحلے میں ان چینلز اوران کے مالکان کے خلاف کارروائی کا فیصلہ کیا ہے۔ اس حوالے سے بعض ٹی وی چینلز پر پابندی لگائے جانے کابھی امکان ہے۔
جن میڈیا مالکان اور اینکرپرسنز کے خلاف شواہد ملے ہیں اور جن کے بارے میں اداروں کی رائے ہے کہ انہوں نے نو مئی کے واقعات کوہوا دی اور اس سے قبل ایسا ماحول پیدا کیاکہ لوگوں نے مشتعل ہوکر آرمی تنصیبات اور جناح ہاﺅس پر حملہ کردیا۔ان میں میاں عامرمحمود، کامران خان،اطہر کاظمی، ارشاد بھٹی، صدیق جان ،چوہدری غلام حسین اور قاضی عابد کے نام قابل ذکر ہیں ۔
ذرائع کے مطابق ان کی گرفتاری کسی بھی وقت متوقع ہے جبکہ بیرون ملک فرارہونے والے سلمان اقبال کو گرفت میں لینے کے لیے انٹرپول سے مدد حاصل کی جائے گی۔
