اعتماد کاووٹ ظاہرکرتاہے کہ شہباز شریف کی پارلیمنٹ میں قوت پہلے سے زیادہ ہوگئی ہے،عوامی ردعمل

ملتان۔ (اے پی پی):زندگی کے مختلف شعبوں سے تعلق رکھنے والے افرادنے وزیراعظم شہباز شریف کی جانب سے اعتماد کاووٹ حاصل کرنے کوجمہوریت کی فتح قراردیا ہےاورکہاہے کہ وزیراعظم شہبازشریف نے 180ووٹ حاصل کرکے ثابت کردیاہے کہ پارلیمنٹ میں ان کی قوت پہلے سے زیادہ ہوگئی ہے۔ شہباز شریف11اپریل 2022ء کووزیراعظم منتخب ہوئے تھے توانہیں ایوان میں 174اراکین نے ووٹ دیئے تھے۔
مسلم لیگ ن کے ضلعی صدر بلال بٹ نے اے پی پی سے بات چیت کرتے ہوئے کہاکہ عمران خان اوران کے ساتھیوں کی سازشیں ناکام ہوگئیں جولوگ آج حکومت کے خاتمے کی بات کررہے تھے انہیں منہ کی کھا ناپڑی۔
ماہر قانون سلیم ایڈؤوکیٹ نے کہاکہ پاکستان کی بقاء جمہوریت میں ہے پارلیمانی جمہوریت ہی ہمارے نظام کاحسن ہے اس کے خلاف کوئی سازش کامیاب نہیں ہوگی ۔