کامونکی : تحریک انصاف کا لانگ مارچ آج کامونکی نہیں پہنچے گا اور لانگ مارچ کا شیڈول نامعلوم وجوہات کی بنا پر تبدیل کردیا گیا ہے۔آج رات جلسہ ملتوی کرنے کے بارے میں کامونکی جلسہ گاہ کی انتظامیہ کی طرف سے باضابطہ طور پر اعلانات کیے گئے۔
اعلان کے بعد پارٹی کی مقامی قیادت اور کارکنان اپنے گھروں کو واپس لوٹنے لگے۔ سینکڑوں کارکن آج دوپہر سے چیئرمین تحریک انصاف عمران خان کے لانگ مارچ میں شرکت کے لیے کھڑے تھے۔
پی ٹی آئی کی انتظامیہ کی طرف سے اعلان کیا گیا ہے کہ ’لانگ مارچ آج رات مریدکے میں رُکے گا، اس لیے کامونکی اور گرد و نواح کے کارکنان کل اتوار کی صبح دس بجے دوبارہ یہاں کامونکی جلسہ گاہ آئیں۔‘
دریں اثنا رہنما تحریک انصاف فواد چوہدری کا کہنا ہے کہ ’آج کا مارچ ابھی ختم ہو رہا ہے۔ حقیقی آزادی مارچ کل 11 بجے صبح مریدکے سے دوبارہ شروع ہو گا۔‘
