لاہور : پاکستان تحریک انصاف اور ق لیگ کے مشترکہ امیدوار سبطین خان سپیکر پنجاب اسمبلی منتخب ہوگئے۔
پاکستان تحریک انصاف اور ق لیگ کے مشترکہ امیدوار سبطین خان سپیکر پنجاب اسمبلی منتخب ہوگئے ہیں۔ سبطین خان 185 سیف الملوک کھوکھر 175 ووٹ حاصل کر سکے جبکہ چار ووٹ مسترد بھی ہوئے ہیں۔ نتائج کے مطابق سپیکر کے انتخاب کیلئے مجموعی طور پر 364 ووٹ کاسٹ ہوئے۔
پینل آف چیئرمین وسیم بادوزئی نے سبطین خان کی کامیابی کا اعلان کیا۔ پینل آف چیئرمین کا کہنا تھاکہ تحریک انصاف کے سبطین خان ایوان کے نئے کسٹوڈین ہوں گے۔ن لیگ اوراتحادی جماعتوں کے امیدوار سیف الملوک نے سبطین خان کو کامیابی پر مبارک باد دی۔ سبطین خان کی کامیابی پر تحریک انصاف کے اراکین نے ایوان میں نعرے بازی کی۔بعد ازاں سبطین خان نے بطور سپیکر پنجاب اسمبلی حلف اٹھایا۔ پینل آف چیئرمین وسیم خان بادوزئی نے ان سے حلف لیا۔