لاہور : مسلم لیگ (ق) کے رہنما اور سابق وزیر آبی ذخائرمونس الٰہی نے اپنے خلاف منی لانڈرنگ کے مقدمے میں عبوری ضمانت کے لیےسپیشل سینٹرل عدالت سے رجوع کر لیا ہے۔منگل کی دوپہر عدالت نے عبوری ضمانت پر عدالتی دائرہ اختیار کا اعتراض لگا کر ان کی درخواست واپس کردی ہے۔
خیال رہے کہ اس سے پہلے یہ خبر موصول ہوئی تھی کہ مسلم مونس الٰہی کے خلاف ایف آئی اے نے منی لانڈرنگ کا مقدمہ درج کر لیا ہے۔ایف آئی اے لاہور نے مونس الٰہی اور دیگر کے خلاف 72 کروڑ روپے کی منی لانڈرنگ کا مقدمہ درج کیا ہے جبکہ کیس میں نامزد دیگر ملزمان میں نواز بھٹی اور مظہر عباس کے خلاف بھی منی لانڈرنگ کامقدمہ درج کیا گیا ہے۔ ان دو ملزمان کو گرفتار کر لیا گیا ہے۔
مونس الٰہی کے خلاف درج کی گئی ایف آئی آر میں مؤقف اختیار کیا گیا ہے کہ ’مونس الٰہی کے خلاف منی لانڈرنگ ایکٹ کے تحت کارروائی کا آغاز دو سال قبل ہوا تھا۔مونس الٰہی کی جانب سے ایک ٹویٹ میں کہا گیا تھا کہ ’جو کرنا ہے کر لو۔ میں پہلے بھی پیش ہوا تھا میں اب پھر پیش ہوں گا۔ میرا انتظار کرو میں آ رہا ہوں۔‘
