ملتان : نام ور صحافی ، روزنامہ امروز ملتان کے سابق ریذیڈنٹ ایڈیٹر اور ملتان پریس کلب کے تا حیات رکن سید سلطان احمد طویل علالت کے بعد اتوار 15 مئی کو انتقال کر گئے ۔ ان کی عمر 95 برس تھی اور وہہ طویل عرصہ سے صاحب فراش تھے ۔ سید سلطان احمد نے طویل عرصہ تک امروز ملتان میں نیوز ایڈیٹر اور ریذیڈنٹ ایڈیٹر کی حیثیت سے فرائض انجام دیے ۔
سید سلطان احمد شطرنج کے بہترین کھلاڑیوں میں بھی شمار ہوتے تھے ۔ وہ پریس کلب کے شطرنج ٹورنامنٹ میں بھی حصہ لیتے رہے ۔ صحافتی حلقوں نے سید سلطان احمد کی وفات پر گہرے دکھ اور صدمے کا اظہار کیا ہے اور ان کے انتقال کو صحافت کے ایک عہد کا خاتمہ قرار دیا ہے ۔ سید سلطان احمد کی نماز جنازہ سوموار سولہ مئی کو نو بجے صبح ابدالی مسجد ملتان میں ادا کی جائے گی ۔
Previous Articleآمنہ مفتی کا کالم : ہماری لنکا کون ڈھائے گا؟
Next Article وجاہت مسعودکا کالم:پلکوں سے کرچیاں اٹھانے کا وقت