اسلام آباد:معروف مزاحیہ شاعراور ادیب سرفراز شاہد انتقال کر گئے ۔سرفراز شاہد کچھ عرصے سےعلیل تھے۔سرفراز شاہد کی نماز جنازہ عصر کی نماز کے بعد ادا کی جائے گی، نمازجنازہ ایچ 8 قبرستان اسلام آباد میں ادا کی جائے گی۔
مقامی ذرائع ابلاغ کے مطابق سرفراز شاہد سخت پیغامات کو ہلکے پھلکے انداز میں پیش کرنے کی اپنی غیر معمولی مہارت کی وجہ سے اندرون اور بیرون ملک یکساں مقبول تھے ۔انہوں نے مزاحیہ شاعری کی نئی جہتیں متعارف کروائی ہیں اور ان کی تخلیقات اردو ادب کا عظیم اثاثہ ہیں۔انہوں نےکتابیں تصنیف کیں جن میں مزاحیہ شاعری کے مجموعے اور نظمیں شامل ہیں ۔
انہوں نے فنی خدمات میں لائف ٹائم اچیومنٹ ایوارڈ، امیر خسرو ایوارڈ، پرائیڈ آف پرفارمنس سمیت متعدد ملکی و بین الاقوامی اعزازات حاصل کیے۔
یاد رہے کہ معروف مزاحیہ شاعر سرفراز شاہد سہیل سرفراز کے والد تھے، سہیل سرفراز بزنس ریکارڈر کے چیف رپورٹر ہیں ۔
