کاؤ نٹی کا پہلا غیر ملکی معاہدہ منسوخ،پاکستانی کرکٹرز کا بھی نمبر لگ گیا ۔۔عمران عثمانی

انگلینڈ کا فرسٹ کلاس کائونٹی سیزن کہا ں کھڑا ہے اسکا اندازہ اس امر سے لگایا جاسکتا ہے کائونٹیز غیر ملکی کرکٹر ز سے رواں سیزن کے معاہدے کینسل کر رہی ہیں. سرے کائونٹی نے آسٹریلیا کے مچل نیسیر کا معاہدہ کینسل کردیا ہے. اس طرح پیسر پہلے غیر ملکی کھلاڑی بن گئے ہیں جن سے کسی بھی کائونٹی نے معذرت کی ہے.
کورونا وائرس کی وجہ سے کائونٹی کرکٹ کے ممکنہ اسٹریچر کا نقشہ ہم پہلے ہی یہاں کھینچ چکے ہیں اسی کے تحت اب کام شروع کردیا گیا ہے. نیسیر نے سیزن کا پہلا حصہ کھیلنا تھا لیکن ایک تو کائونٹی کرکٹ تاخیر کا شکار ہے اور دوسرا ملک میں سفر کے حوالے سے پابندی عائد ہے اس لئے کائونٹی نے کینگروز کرکٹر سے معاہدہ ہی ختم کردیا ہے.
پاکستان سمیت دنیا کے تمام کرکٹ کھیلنے والے ممالک کے صف اول کے پلیئرز کے 18 کائونٹیز سے معاہدے ہیں.اظہر علی،بابر اعظم،فہیم اشرف،عماد وسیم ،شاداب خان سمیت کئ کرکٹرز کے معاہدے طویل فارمیٹ کی کرکٹ کے ختم ہونے کو ہیں جبکہ دستیاب وقت میں ہونے والی کرکٹ کے حوالے سے باقی جزوی معاہدے رہ جائیں گے. انٹرنیشنل کرکٹرز کے علاوہ پاکستان سے 2 درجن سے زائد کھلاڑی کلب لیول کی کرکٹ کھیلتے ہیں انکے معاہدے 3000 پائونڈز سے 15000پائونڈز تک ہیں .وہ سب بھی قریب ختم ہونے کو ہیں. اس طرح انگلینڈ کرکٹ کے مالی نقصان کا اثر عملی طور پر اب پوری دنیا کے کرکٹرز کو اپنی لپیٹ میں لے رہا ہے.