عمران خان کوبلوچستان کی کسی جیل میں لانے کی اطلاع نہیں: آئی جی جیل

انسپکٹر جنرل (آئی جی) جیل خانہ جات بلوچستان شجاع الدین کاسی نے کہا ہے کہ مچ جیل میں50 سے زائد وی آئی پی قیدیوں کو رکھاجاسکتا ہے۔
جیونیوز سے گفتگو میں شجاع الدین کاسی کا کہنا تھاکہ عمران خان کوبلوچستان کی کسی جیل میں لانے کی اطلاع نہیں، وفاقی حکومت ایک صوبے کے قیدی کو دوسرے صوبے بھجوا سکتی ہے۔
انہوں نے کہا کہ قیدی کو بھجوانے سے قبل صوبائی حکومت کواطلاع دی جاتی ہے۔
آئی جی جیل کا کہنا تھاکہ کوئٹہ کے سوا بلوچستان کی کوئی جیل اوور کراوڈ نہیں، مچ جیل میں 50 سے زائد وی آئی پی قیدیوں کو رکھا جا سکتا ہے۔
(بشکریہ:جیو نیوز)