شہنشاہ غزل مہدی حسن کو ہم سے بچھڑے 12برس بیت گئے ہیں اور وہ آج بھی لوگوں کے دلوں پرراج کرتے ہیں، ا ن خیالات کا اظہارنامور گلوکارہ میڈم ثریا ملتان نیکر نے اے پی پی سے بات چیت کے دوران کیا۔انہوں نے کہاکہ ہمیں فخر ہے کہ ہمارے پاس ان کے گیتوں کے ایسا سرمایہ موجود ہے جوکسی اورملک کے پاس نہیں اسی لئے لتا منگیشکرجیسی عظیم گلوکارہ نے کہاتھاکہ مہدی حسن کے گلے میں بھگوان بولتاہے ۔نامور براڈ کاسٹر اور صدارتی ایوارڈیافتہ ادارکار قیصرنقوی نے کہاکہ مہدی حسن خان کا تعلق موسیقی کے کلاونت گھرانے کی سولہویں نسل سے تھا۔ان کے والد استاد عظیم خان اورچچا استاد اسماعیل خان بھی معروف گائیک تھے۔ملتان آرٹس کونسل کے سابق ریذیڈنٹ ڈائریکٹر محمد علی واسطی نے کہاکہ مہدی حسن ایک سیلف میڈ انسان تھے انہوں نے زندگی میں بہت مشقت کی ،چہچہ وطنی میں سائیکلوں کے دکان پربھی کام کرتے رہے ،ایسے گلوکار صدیوں میں پیداہوتے ہیں ۔
