رمضان ریلیف پیکج : یوٹیلیٹی سٹورز کارپوریشن ملتان زون نے 5 ارب روپے کی سیل کا ریکارڈ قائم کر دیا

ملتان : اے پی پی ۔۔ وزیراعظم رمضان ریلیف پیکج کے تحت یوٹیلٹی سٹور کارپوریشن ملتان زون نے 4 ارب 84 کروڑ روپے کی ریکارڈ سیل کر کے 101 فیصد سیلز اہداف پورے کر لیے ہیں۔ مذکورہ رمضان ریلیف پیکج سے 19 لاکھ کم آمدنی والے افراد نے استفادہ کیا ہے۔
ان خیالات کا اظہار زونل منیجر ملتان وقار حسین نے میڈیا سے گفتگو کرتے ہوئے کیا۔ انہوں نے کہا کہ وزیراعظم پاکستان نے تاریخ کا سب سے بڑا رمضان ریلیف پیکج دیا ہے۔جس میں بے نظیر انکم سپورٹ پروگرام ( بی آئی ایس پی)اور پی ایم ٹی 60 رجسٹرڈ خاندانوں کو ٹارگٹٹد سبسڈی فراہم کی گئی ہے۔اس پیکج کے مطابق ملتان زون کے لیے 4 ارب 80 کروڑ روپے کا سیل ٹارگٹ مقرر کیا گیا تھا۔ جو کہ افیسرز اور سیلز سٹاف کی محنت کی بدولت رمضان المبارک کے اختتام سے قبل ہی 25 رمضان کو 101 فیصد ٹارگٹ حاصل کر لیا ہے ۔ انہوں نے بتایا کہ یوٹیلٹی سٹور کارپوریشن کی جانب سے صارفین کو فراہم کیا گیا تمام سٹاک آٹا، چینی، دالیں ،چاول وغیرہ اعلی معیار کے مطابق ہے۔ آٹا، چینی، دالیں ،چاول،گھی کے علاوہ برانڈڈ ایٹم بھی مارکیٹ سے 5سے 10 پرسنٹ کم ریٹ پر مہیا کی گئی ہیں اور یہ پیکج چاند رات تک جاری رہے گا۔