اسلام آباد : سپریم جوڈیشل کونسل کے اجلاس کے اعلامیے کے مطابق ججز کے خلاف 24 شکایات کا جائزہ لیا گیا جن میں سے 19 خارج کر دی گئیں۔
یہ اجلاس پاکستان کے چیف جسٹس یحییٰ آفریدی کی سربراہی میں ہوا جس میں جسٹس منصور علی شاہ، جسٹس منیب اختر، جسٹس عالیہ نیلم اور جسٹس جنید غفار نے بھی شرکت کی جبکہ جسٹس منصور علی شاہ ویڈیو لنک کے ذریعے شریک ہوئے۔
اعلامیے کے مطابق سپریم جوڈیشل کونسل سیکرٹریٹ سروس رولز 2025 کا مسودہ منظور کر لیا گیا۔ ضابطہ اخلاق میں ترامیم پر مزید قانونی غور کی ضرورت کا اظہار کیا گیا جبکہ انکوائری کے طریقہ کار پر بھی مزید مشاورت پر اتفاق کیا گیا۔اعلامیے میں بتایا گیا کہ کونسل نے آرٹیکل 209 کے تحت دائر 24 شکایات کا جائزہ لیا اور 19 شکایات کو متفقہ طور پر خارج کر دیا گیا جبکہ 5 شکایات کو موخر کیا گیا۔
ذرائع کے مطابق سپریم جوڈیشل کونسل نے ججز کیخلاف شکایات نمٹانے پر ان کے نام پبلک کرنے کی تجویز مسترد کر دی۔ ذرائع کا بتانا ہے کہ اجلاس میں یہ فیصلہ بھی ہوا کہ جن ججز کیخلاف شکایات نمٹائی جاتی ہیں ان کے نام پبلک نہ کرنے کا کونسل کا فیصلہ ہے۔ سپریم جوڈیشل کونسل اجلاس کا اعلامیے کے مطابق اجلاس میں سپریم جوڈیشل کونسل سروس رولز 2025 کا مسودہ منظور کر لیا گیا، ضابطہ اخلاق میں ترامیم پر مزید قانونی غور کی ضروری قرار دی گئی۔
اعلامیے میں کہا گیا کہ انکوائری کے طریقہ کار پر بھی مزید مشاورت کی جائے گی، آرٹیکل 209 کے تحت دائر 24 شکایات کا جائزہ لیا گیا۔
( بشکریہ : جیو نیوز )
Previous Articleوجاہت مسعود کا کالم : بلوچ سرزمین اور پنجابی لہو
Next Article عطاء الحق قاسمی کا کالم : تو یہ دیکھ غفورا رویا!