ملتان : سینیئر صحافی روزنامہ طوفان ، اور جلترنگ کے چیف ایڈیٹر اختر عزیز طویل علالت کے بعد انتقال کر گئے ۔ مرحوم کی نماز جنازہ آج اتوار کو اڑھائی بجے دن ایم سی سی گراؤ نڈ سے ملحقہ علامہ اقبال پارک نواں شہر میں ادا کی جائے گی ۔
سوگوار خاندان میں چار بیٹے آ صف رحمن ، سہیل اختر۔ عارف عمران، علی شان اور دو بیٹیاں شامل ہیں۔ جبکہ مرحوم کی اہلیہ اور جواں سال بیٹے کاشف ریحان ایڈوکیٹ پہلے ہی انتقال کر چکے ہیں ۔ مرحوم اختر عزیز نے اپنے صحافتی سفر کا آغاز روزنامہ آ فتاب سے کیا اب طویل عرصہ سے اپنے اخبارات چلا رہے تھے ان کا جنازہ ان کی رہائش گاہ بالقابل انکم ٹیکس آفس نواں شہر سے اٹھایا جائے گا ۔
