ملتان:انجمن ترقی پسند مصنفین سندھ کی جانب سے معروف شاعر،صحافی اور اے پی پی اردوسروس ملتان کے سربراہ رضی الدین رضی کی کتاب ”کالم کہانیاں خاکے“ کو سال 2022ءمیں شائع ہونے والی اردوکی بہترین کتاب قراردیا گیا ہے۔
انجمن کے جنرل سیکرٹری ڈاکٹر خادم منگی کی جانب سے سوموارکے روز مختلف زبانوں میں شائع ہونے والی ایوارڈ یافتہ کتابوں کا اعلان کیاگیا۔ ان میں اردو، سندھی ،بلوچی، سرائیکی زبان میں شائع ہونے والی تنقیدی و تحقیقی کتب ،سفرنامے، تراجم اور دیگر کتب شامل ہیں۔ اعلان کے مطابق اس مرتبہ 16کتابوں پر اعزازات دیئے گئے ہیں۔
ڈاکٹر خادم منگی نے اے پی پی سے بات چیت کرتے ہوئے کہا کہ یہ تمام اعزازات ایک پروقار تقریب میں تقسیم کی جائیں گے جس کی تاریخ اور جگہ کا اعلان جلد کردیا جائے گا۔
