پسنی میں میٹرک کا امتحانی مرکز قائم کردیا گیا، طالب علموں میں خوشی کی لہر دوڑ گئی

گوادر: بلوچستان بورڈ آف انٹر میڈیٹ نے احسن اقدام کرتے ہوئےعوامی ڈیمانڈ پر گورنمنٹ بوائز ہائی اسکول ببر شور پسنی میں میٹرک کا امتحانی مرکز قائم کردیا، چیئرمین بورڈ اعجاز عظیم اور اسسٹنٹ کنٹرولر صغیر احمد کی کاوشوں کی تعریف جبکہ طالب علموں میں خوشی کی لہر دوڑ گئی، عوامی حلقوں نے امتحانی مرکز کےقیام کو خوش آئندہے۔
تفصیلات کے مطابق ببر شور، حیدر گوٹھ، کلانچی محلہ پسنی کے عوام کی دیرینہ مطالبات پر بلوچستان بورڈ آف انٹر میڈیٹ اینڈ سکینڈری ایجوکیشن کوئٹہ کے چیئرمین جناب اعجاز عظیم بلوچ، سکریٹری بورڈ عظیم ساجدی، کنٹرولر بلوچستان بورڈ شوکت سرپرا اور اسسٹنٹ کنٹرولر مکران ڈویژن واجہ صغیر احمد بلوچ نے گورنمنٹ بوائز ہائی اسکول ببر شور میں آیندہ ماہ ہونے والے میٹرک کے سالانہ امتحانات کے لیے امتحانی مرکز کے قیام کا باقاعدہ نوٹیفکیشن جاری کردیا۔ پسنی کے عوامی حلقوں کی جانب سے گورنمنٹ بوائز ہائی اسکول میں امتحانی مرکز کے قیام کا خیر مقدم کرتے ہوئے کہا ہے کہ ماضی قریب میں ببر شور، حیدر گوٹھ، اور کلانچی محلہ کے طالب علموں کو امتحانات کے لیے سخت دشواری کا سامنا کرنا پڑتا تھا، غریب لوگ اپنے بچوں کے امتحانات کے لیے ٹرانسپورٹ کے مد میں ہزاروں روپے خرچ کرنے پر مجبور تھے۔ انہوں نے کہا ہے کہ عوام کے دیرینہ مطالبہ پر سینٹر امتحان کے قیام چیرمین بلوچستان بورڈ اعجاز عظیم بلوچ، اسسٹنٹ کنٹرلر مکران ڈویژن واجہ صغیر احمد بلوچ جیسے مخلص فرض شناس اور تعلیم دوست آفیسران کی علم دوستی اور قوم دوستی کا اعلی مثال ہے۔
عوامی حلقوں نے خوشی کا اظہار کرتے ہوئے کہا ہے کہ بلوچستان بورڈ آف انٹر میڈیٹ اینڈ سکینڈری ایجوکیشن نے چیرمین اعجاز عظیم بلوچ، سکریٹری بلوچستان بورڈ عظیم ساجدی، کنٹرولر بلوچستان بورڈ شوکت سرپرا اور اسسٹنٹ کنٹرولر مکران صغیر احمد بلوچ کی قیادت میں مختصر عرصے میں طلبا و طالبات کے لیے ڈھیر ساری مسائل حل کیے ہیں، اور بلوچستان بورڈ کو جدید تقاضوں سے ہم آہنگ کیا ہے، جو کہ انقلابی اقدامات ہیں۔